ພໍ່ຄ້າຢາເສບຕິດຄົນລາວຖືກຕຳຫລວດ ລາວ-ຫວຽດນາມ ຈັບກຸມຂະນະທີ່ກຳລັງຂົນຢາຂ້າມປະເທດ 2 ແສນກວ່າເມັດ

ພໍ່ຄ້າຢາເສບຕິດຄົນລາວຖືກຕຳຫລວດ ລາວ-ຫວຽດນາມ ຈັບກຸມຂະນະທີ່ກຳລັງຂົນຢາຂ້າມປະເທດ 2 ແສນກວ່າເມັດ

ຕຳຫລວດ ລາວ-ຫວຽດນາມ ປະສານຈັບກຸມພວກຄ້າຢາຄົນລາວ ທີ່ຂົນຢາຂ້າມປະເທດ 2 ແສນກວ່າເມັດ

ລາຍງານ 6 ຕຸລາ 2019, ອີງຕາມການລາຍງານຂອງໜັງສືພິມປົກປ້ອງກົດໝາຍ (Bảo vệ pháp luật) ຂອງໄອຍະສານສູງສຸດຫວຽດນາມໃຫ້ຮູ້ວ່າ: ເມື່ອວັນທີ 3 ຕຸລາ ທີ່ຜ່ານມາ ຢູ່ຊາຍແດນລາວ-ຫວຽດນາມ ແຂວງສະຫວັນນະເຂດ-ກວາງຈິ, ຄະນະກຳມະການສະກັດກັ້ນ ແລະ ຕ້ານຢາເສບຕິດແຂວງກວາງຈິ ຮ່ວມກັບພະແນກປ້ອງກັນຄວາມສະຫງົບ ແຂວງສະຫວັນນະເຂດ ໄດ້ຈັບກຸມບຸກຄົນທີ່ກຳລັງຂົນຢາເສບຕິດໄປຍັງປະເທດຫວຽດນາມ 2 ຄົນ

ຈາກການກວດຄົ້ນຂອງເຈົ້າໜ້າທີ່ ພົບຢາບ້າ 215,000 ເມັດ, ລົດໃຫຍ່ 2 ຄັນ ປ້າຍທະບຽນ ກຄ 2934 ແລະ ກຂ 2897 ສະຫວັນນະເຂດ, ໂທລະສັບ 4 ໜ່ວຍ ແລະ ເອກະສານທີ່ກ່ຽວຂ້ອງຈຳນວນໜຶ່ງ

ຜູ້ຖືກຫາທັງ 2 ທີ່ຖືກກັກໂຕປະກອບມີ: ທ້າວ ສີສະຫວັດຕິໄຊ ໄຊຍະສົມບັດ ຫຼື ໝູ ອາຍຸ 24 ປີ ຄົນບ້ານພະແລັງ, ເມືອງຈຳພອນ, ແຂວງສະຫວັນນະເຂດ ແລະ ທ້າວ ບັນພະຈິດ ແກ້ວິໄລວົງ ຫຼື ເປົ່າ, ອາຍຸ 24 ປີ ຄົນບ້ານຄຶມສະຫວ່າງ, ເມືອງສອງຄອນ, ແຂວງສະຫວັນນະເຂດ

ເຊີ່ງປະຈຸບັນເຈົ້າຫນ້າທີ່ ກຳລັງທຳການສືບສວນ ສອບສວນຫາພວກຮ່ວມຂະບວນການ

Cr: ລາຍການທັນເຫດ

kiddee